🍕九龍城人氣pizza外賣店 而家有堂食喇

喺九龍城好受歡迎嘅pizza外賣店，而家搬咗舖仲有堂食 Pizza款式好多，除咗有常見意大利傳統口味同美式口味，仲有自創特色口味，例如避風堂海鮮，創意十足！ 二人餐$268包括自選pizza、意粉、小食、沙律同兩杯飲品，價錢好抵👍🏻 ✨Pizza Mama Mia! 第一次嚟食揀咗招牌口味，有pepperoni、salami、意式煙肉同意式香腸，pizza餅底煙韌帶麵粉香，鋪滿芝士好足料，辣肉腸少少辣，意式煙肉咸香好惹味 ✨海鮮扁意粉 蕃茄底海鮮意粉有魷魚、迷你帆立貝同蝦仁 意粉煮得剛剛好有咬口 ✨小食: 炸雞塊 炸雞塊新鮮炸起表面酥脆內裡有肉汁 附上兩款沾醬-黑松露蛋白醬同腐乳醬 兩款都好好味！ ✨凱撒沙律 凱撒沙律可以揀雞肉或煙三文魚 羅馬生菜新鮮爽脆 值得一讚係沙津醬份量少但夠味唔怕肥😆 ✨士多啤梨&朱古力奶昔 (跟餐$25/杯) 奶昔用咗意大利雪糕，士多啤梨味同朱古力味好真，而且飲落唔會太甜 📍Mama Mia! Pizzeria 九龍城南角道5號地舖 #MamaMia#Pizza#九龍城#九龍城美食#意式薄餅#手工薄餅#意粉#特色薄餅#西餐廳